|
|
| Dorfgeschichtliches |
 |
| Gedicht „S Dörfli Mörigen“ |
|
Es ligt es Dörfli im Blüeteschnee,
Am sunnige Hang am Bielersee,
Hi - bettet i ne Hohle,
wo d Bise nüüt cha hole.
E jede Boum e Blüetestruuss,
u ds Dörfli schwümmt im Überfluss
vo honigsüesse Düfte,
i Meie warme Lüfte.
U d Imme summe wi im Schwarm,
Do git s hüt weder rich no arm,
Es jedes schwär belade,
 Mit Polle und mit Hunigflade.
Du frogsch mi na däm liebe Näscht,
Wo d Chirse grate am allerbescht,
Was bisch du für ne Gfrögige,
Das isch doch ds Dörfli Mörige.
(Dichterin oder Dichter unbekannt) |
|
|
